ថ្នាំញៀនជាង១ពាន់គ្រាប់ និងជនសង្ស័យប្រុស-ស្រី២នាក់ ត្រូវនគរបាលបង្ក្រាប
18-December-2019 | ដោយ ពលមនសិការ
ឧត្តរមានជ័យ៖ ថ្នាំញៀនជាង១ពាន់គ្រាប់ និងជនសង្ស័យប្រុស-ស្រី២នាក់ ត្រូវបានកម្លាំងនគរបាលការិយាល័យប្រឆាំងបទល្មើសគ្រឿងញៀន សហការជាមួយប៉ុស្តិ៍រដ្ឋបាលអូស្មាច់ ឃាត់ខ្លួន។ ប្រតិបត្តិការខាងលើបានធ្វើឡើងកាលពីថ្ងៃអង្គារ ៧រោច ខែមិគសិរ ឆ្នាំ២០១៩ ត្រូវនឹងថ្ងៃទី១៨ ខែ ធ្នូ ឆ្នាំ២០១៩ នៅវេលាម៉ោង២១នឹង១៥នាទី នៅចំណុច ភូមិគីរីមង្គល សង្កាត់អូស្មាច់ ក្រុងសំរោង ខេត្តឧត្តរមានជ័យ។
ដោយមានការចង្អុល បង្ហាញពីលោក ឧ.ទោ ម៉ែន លី ស្នងការនគរបាលខេត្ត កំលាំង ការិយាល័យប្រឆាំងបទល្មើសគ្រឿងញៀននិងមានការចូលរួមប៉ុស្តីរដ្ឋបាលអូស្មាច់ នឹងក្រោមការដឹកនាំបញ្ជាផ្ទាល់ពីលោក វ/ឯ ថោង សាមិ ស្នងការរងទទួលផែនប្រឆាំងបទល្មើសគ្រឿងញៀន ចុះបង្ក្រាបករណី ជូញដូរនឹងចែកចាយគ្រឿងញៀន ០១ករណី ត្រង់ចំនុច ភូមិគីរីមង្គល សង្កាត់អូស្មាច់ ក្រុងសំរោង ខេត្តឧត្តរមានជ័យ ឃាត់ខ្លួនជនសង្ស័យ បានចំនួន ០២នាក់ ស្រី០១នាក់។
លោកវរសេនីយ៍ឯក ថោង សាមិ ស្នងការរងទទួលផែនប្រឆាំងបទល្មើសគ្រឿងញៀន ជនសង្ស័យទាំង២នាក់រួមមានៈទី១-ឈ្មោះ សេង ទូច ភេទស្រី អាយុ៤២ឆ្នាំ រស់នៅភូមិ តាមិមឃុំតាមិម ស្រុកស្ទឹងសែន ខេត្តបាត់ដំបង, ទី២-ឈ្មោះ ស៊ីវ នុស្សា អាយុ៣២ឆ្នាំ រស់នៅភូមិអភិវឌ្ឍន៍ សង្កាត់សំរោង ក្រុងសំរោង ខេត្តឧត្តរមានជ័យ។
ដកហូតវត្តុតាងរួមមានៈថ្នាំប្រភេទមេតំហ្វេតាមីនWY ពណ៌ក្រហមចំនួន១២០៦គ្រាប់, ទូរស័ព្ទចំនួន៣គ្រឿង,ម៉ូតូ០១គ្រឿង។ បច្ចុប្បន្នកម្លាំងជំនាញកំពុង ចាត់ចែងកសាងសំណុំរឿងដើម្បីចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ14241
- ម្សិលមិញ15681
- សប្តាហ៍នេះ73081
- ខែនេះ94961
- ឆ្នាំនេះ94961
- សរុប20537417